നിഘണ്ടു 

കടല്‍ച്ചേതത്തില്‍  വഴിതെറ്റിയ നാവികന്‍റെ

അഭയദ്വീപല്ല ജീവിതം,

വന്‍കരകളെ കീഴടക്കിയ

 സഞ്ചാരിയുടെ ആഘോഷം ..

ഇനിയും വരാമെന്നു 

വെറും വാക്ക് പറഞ്ഞിറങ്ങിപ്പോകുന്ന 

വിരുന്നല്ല പ്രണയം,

ഒടുവിലത്തെ അത്താഴം പോലെ 

മരണത്തിന് മുന്‍പുള്ള സ്വയംഹത്യ.

തുറന്നിട്ട വാതിലിലൂടെ 

ഇറങ്ങി നടപ്പല്ല വിപ്ലവം,

പൌരാണിക തടവറകളുടെ ഭേദനം 

മരണം...ഒന്നും കൂട്ടിച്ചേര്‍ക്കാനില്ലാതെ

ചുമ്മാ ഒരു പോക്ക്....

മറുവശത്തെ നിതാന്ത ശൂന്യത.