അമ്മ സാക്ഷി

ഇനി പാതിരാവില്‍ കാലൊച്ചയോര്‍ക്കേണ്ട

എപ്പോഴുമവന്‍ നിന്റെ കണ്ണിന്റെ തടവില്‍.

പാതിയുണര്‍വില്‍ സ്നേഹം വിളമ്പേണ്ട

ഇനിയവന്‍ നക്ഷത്രങ്ങള്‍ക്കൊപ്പം

നിലാവ് കുടിച്ചുറങ്ങും.

നെഞ്ചിടിപ്പിനൊപ്പം ചേര്‍ത്ത് പിടിക്കേണ്ട

മുഷ്ടികള്‍ക്കുള്ളിലെ വെള്ളി വെളിച്ചമായ്‌

കൂട്ടുകാര്‍ അവനെ വാനിലേക്കുയര്‍ത്തും.

ഇടവഴിയിലിരുട്ടിനെ പഴിക്കേണ്ട

അവനിനി സൂര്യ ചന്ദ്രന്മാര്‍ കാവല്‍.

ബലികുടീരങ്ങളില്‍ മഴ കിനിഞ്ഞിറങ്ങുന്ന രാത്രികളില്‍

അവനു പുതപ്പായ്

രക്തസാക്ഷിക്കിനി അമ്മ സാക്ഷി